من عيون الشعر وصية / صقر النصافي / لعياله

[بعيد الهقاوي]

قــال: مــن وصــى عـيـالــه وده إلــهــم بـالـشـكــالــه
خـابـر(ن)راعــي الــرزالــه بـالـمـجــالــس تـشـنــعــه
يـا ((إمـهـلـي)) شـوف أخـوانـك شـانـهـم مـن صـوب شـانــك
عـنـدمــا يـزعــل إلـسـانــك عـنـهــم الـغـيــظ أدفـعــه
وأنــت يـا((عـلـي))أفـتـكــر خــل قــولــي لـــك ذكـــر
ربــعــه الـطــيــب شــكــر والــــردي لاتـتــبــعــه
يـا((مـسـلـم))وأنــا أبــوك الــعــرب لـــو صـاحــبــوك
مـايـســرك غـيــر أخـــوك كـــل مـايــأمــر طــعــه
يـاعـيــالــي كـلــكــم أفـطــنــوا فــــي حــالــكــم
الــتــنــازع ذلــكـــم والـتــصــافــي مــنــفــعــه
أجـهـدوا لـلــه طـاعــه وأتـبـعــوا راعــي الـشـفـاعــه
قـبــل يــوم فـيــه سـاعــة عــنــد ربـــي مـرجــعــه
الـقـصـيـر أمـشـوا بـحـقـه لــو بــدت مـنــه الـمـشـقــه
وإن كـثــر بـالـقـلــب دقــه طــو بـيــتــك وأشـلــعــه
مـــادواه إلامــراحــه فـــي فـــراق الــســـوء راحــــه
لاتـجــازيــه بـقـبــاحــه يـــوم ربــــه صــرقــعــه
والـخـوي حـقـه عـلـيـكــم تـجـعـلـونــه مــن حـديـكــم
كــل شـغـلــه فــي يـديـكــم لـيــن يـاصــل مـربـعــه
إن تـمـرجــل كـيــفــو بـــه وإن تـــردا عــبــرو بـــه
لــو يـصـيــر لـكــم عـقـوبــه غـصـة(ن)بـالـمـبـلـعــه
والـحـمــق يـخــر مـضــره يـلـحــق الـعـقـيــل شـــره
ون طـــرا راعــيــه مــــره قــالـــوا الله يـقــطــعــه
والـصـبـر عـنـد الـبـلاوي خـيــر مــن كـثــر الـشـكــاوي
لــو تـصـيــح ولــو تـــلاوي مـابــغــا الله يـصـنــعــه
وأحـذروا حـقــر الـفـقـيــر دعـوتــه يـمـكــن تـصـيــر.؟
أدخـــل الله وأسـتـجــيــر قــبــل يـــذرف مــدمــعــه
الـتـكــبــر لـلــرخــوم يـحـســبــون إنهـــم الــقــروم
عـنـدمــا يـبــدى الـلــزوم عـشـرهــم نـصــف أربــعــه
والـعــدو لــو زان بـالــه أنـقـلــوا مــنــه الـحـمــالــه
لـو مـغــط ألـكــم حـبـالــه بـغـظـكــم يـبـقــى مـعــه
والـصـديــق بـكــل حــال عـنــد حــظــرات الـمــجــال
مـدحـكــم عـنــد الــرجــال كـــل مــاجــاه أشـبــعــه
والـصـديــق إلــيــا نـكــركــم مـــا دواه الأ ظـهــركــم
وإن خـضـعـتـولـه حـقـركـم صـرتــوا عـنــده مـضـفـعــه
والـتـمــنــي مـايـفــيــد لـــو تــزيـــده مــايــزيــد
مـثـل بــق طــار بإيــد بـالـهــوى مــن يـجـمـعــه.
والـحـلـوف أبـغـيــر حـاجــة كـلـهــا ذنــب وسـمـاجــة
واجــد الـلــي بـالـلـجــاجــة دوم حـلــفــه يـمـطــعــه
كــم صـبــي(ن) بـالـرخــا ظـنـكــم فــيــه الـصــخــا
وأن كــربــتــوه أرتــخـــا كــــل عـذر(ن) يــاســعــه
جــاز مــن كــل الـصـداقــه والـمـحــبــة والـلـبــاقــة
والـسـبــب نـفـســه أرفـاقــه حـتــى الانــه تـضـلـعــه
والـمـغـفــل يـحـسـبـنــه دوم فـــي نـعــمــة وجــنــة
مـاخــذ(ن) دنـيــاه ظـنــه لـيــن بـقــعــا تـصـقــعــه
ثـم يـقـعـد مــن مـنـامــه مـلـحــق(ن) نـفـســه مـلامــه
عـقــب مـاشــاف الـنـدامــه يــوم هـــاك الـكـعـكــعــه
الــرجــال أبــهــم فـهــيــم لايــضــام ولا يــضــيــم
عـنــدمــا يــبــدى حـلــيــم والـحــقــوق مـشــرعــة
راعــي الـصـبــر مـحـمــود لـيــن مـولـمـتــه تــعــود
ثـــم يــنــزل بـالــحــدود والـمـطــمــن يــرفــعــه
والـرجــال إبـهــم ثـقـيــل كـــل عــمــره مـايـعــيــل
وإن طـمــع فـيــه الـجـبـيــل دون حــقــه يـصـفــعــه
أن بـغـيـتــه بـالـمــروه شــفــت نـــو الـخـيــر.؟نــوه
وأن بـغـيــت الـحــق قــوة طـزعـيــنــك بـاأصـبــعــه
وإن بـــلاك الله بـعــاقــه مـــن مـقــاريــد الــرفــاقــه
لاتــوريــه الـحـمــاقــة لــيــن ربــــك يـقــلــعــه
خــل شـوفـاتــك بـعـيــدة عــنــد نـفـخــاتــه وريـــدة
ثـــم عـقـب(ن)لاتـعــيــده الـســعــه ثـــم الــســعــه
كــم صـبــي(ن) كــل يــوم يـعـتــزي مــن غـيــر قــوم
وإن تـنـاطــحــت الــقــروم مـايــدانــي الـفـرقــعــه.!!
صـايــر(ن) لـلـشــر سـبــه لـيــن يـلـقــا مــن يـدبــه
ثــم يـبــرك لـلـمـسـبــه يــوم جــاه مـــن أشـبــعــه
والـسـفـيـه إلـيـا نـهـيـتـه عــن طـريــق(ن) مـابـغـيـتــه
لـــو تــجــره مـاقـويــتــه والــنــدى مـايـسـمــعــه
راح فــي درب(ن) يــضــره وأنـــت شـــورك مـايــســره
والله أنــك لــو تــجــره.؟ مـايــبــي غــيــر إسـنــعــه
والـرجــال أبـهــم كــذوب مـايــهــاب مـــن الـعــيــوب
لـــو يـفــجــر مـايــتــوب والــخــزا مـايــوجــعــه
والـرجــال أبـهــم صـــدوق فـــي كــلامــه مـايــتــوق
يـفـتـهــم كـــل الـحــقــوق والـكــريــم أمـسـنــعــه
والـرجــال أبـهــم كـريــم لاخــطــر خـلــفــت رزيـــم
وأن طـرش.؟قـلــبــه سـلــيــم كـــل زاد(ن) يـقــنــعــه
والـرجــال أبـهــم بـخــيــل لاخــطــر مـــده قـلــيــل
وأن طـرش.؟مــالــه مـثــيــل يــشـــره الله يــنــزعــه
والـحـريـم أبـهـم طـبـايـع فـيـهــن الـتـخـمـيــل ضـايــع
لــو بـهــم عـاصــي وطـايــع كــل الأكـثــر مـنــدعــه
الـنــصــاح أيـبـيـنــنــه والــخــمــال إيـدمــدمــنــه
وإن بـغــن دربــن يـجـنــه لــو عـلـيـهــن مـسـبـعــه.
ثـم فـيـهـن مـن حـبـيـبـه رجـلـهــا تـشـهــر بـطـيـبــه
واهـنــي مـنـهــي نـصـيـبــه لــو مـتـاعــه سـلـوعــه
وإن طــرش وأبـطــى مـراحــه آمـنــن قـلـبــه بــراحــه
مـايـطـيــع أهــل الـقـبـاحــه والـجــهــل والـلــودعــه
ثــم فـيـهــن شـلـبـديــه تـاكــل الـطـلــيــان حــيــه
والــردى مــاهــي رديـــه مــيــر مــاجــا تـبـلــعــه
رجـلـهــا لــو جــاب واجــد عـنـدهــا مـاهــوب يـاجــد
أن سـكـت فــي الـفـقــر سـاجــد وأن تـكـلــم تـسـبـعــه
ثـم فـيـهــن مــن تـحـوفــك كـنـهــا تـفــرح بـشـوفــك
وأن تـبـيـن عــرق جـوفــك بـيــن إيـديـهــا تـمـصـعــه
تـنـصـحـك وهــي الـعــدوه وأنــت تـحـسـبـهــا حـمــوه
لاتـظــن أبـهــا مـــروه حــبــل وصـلـك...تـقـطــعــه
لاتـقــول أن الـعــجــوز عـــن طـبـايـعــهــا تــجــوز
عـنــد طـاريــهــن تــفــوز تـضــحــك أم الـدعــدعــه
لـو تـصـيـر أبـزي ضـبـعـه مـالـهـا بـالـعـمــر شـبـعــه
كــل مـخـلــوق وطـبــعــه ضــايــع مـــن طـبــعــه
ثـم فـيـهـن مــن تـعـيـنــك دايــم(ن) يـدهــا بـيـديـنــك
عـنـدهــا مـامـثــل زيـنــك لــو عـلــيــك مـرقــعــه
تـفـتـهــم حــق الــرجــال عــنــد زوجـــات الــحــلال
الــدقــاق مـــع الــجــلال كـــل شـــئ أبـمـوضــعــه
ثــم فـيـهــن مــن تـحـلــوى شـرهــا يـبــلاك بــلــوى
لـيــن بـلـحـجــة تـعـلــوا فــي ثـيــاب مـطــوعــه.))
تـعـطـيــهــا ســـدك وأنــــت كــتـــم الــســـد ودك
تـصـبــح الـهـرجــه بـضــدك فـالــنــداه أمـصـلــعــه
ثـم فـيـهــن مــن تـحـبــك وأقـشــر مـاتـشــوف جـبــك
وألـحـمـتـهــا لــو تـسـبــك فــي جـســدك أمـربــعــه
أن تـكـلـمــت أفـضـحـتــك وأن تـغـاظـيـت.؟أجـرمــتــك
ون تـسـاكــت نـتـفــتــك نــتــف ريـــش الـقـوبــعــه
بــع أقـاصـيـهــا بـدانــي زدتـهــا والـعــمــر فــانــي
لاتـحــط أبـهــا مـثـانــي ســـو بــيــع أمـقـلـفــعــه
ثــم فـيــهــن قـشـمــريــه صـايــبــه ومـجـادعــيــه
عـنـد ضـحـكــات الـثـنـيــه مــن يـجـيـهــا تـلـقـعــه
الـسـفـيــه إلـيــا نـظـرهــا دايـمــن يـلـهــث بـثـرهــا
وأن بـغــاهــا مـاقــدرهــا بـــس يـلــهــث مـدلــعــه
مـايـطـيـع أهـل الـنـصـيـحـه لـو لـبـس ثـوب الـفـضـيـحـه
ولا أعــظــاه أبـمـسـتـريــحــه والـعــيــون مـولــعــه
والـذهـيـن إلـيــا عـرفـهــا كــف روجــه مــن ظـرفـهــا
جــاز مـنــه مـاخـرفـهــا لــو تــكــون أمـهـيـنــعــه
ثــم فـيـهــن مــن وثـيــق ســدهــا ســـد(ن) غــميــق
من نشـدهــا بالـطــريــق قـولــهــا مـاتـطـلــعــه
سـدهــا مـثــل الأمــانــة عــنــد رجـــال(ن) تـكــانــه
مـايـهــوجــس بـالـخـيــانــه رابـــح(ن) مـــن ودعـــه
يـاعـيـالــي جـعـلـكــم يـبـعــث أســمــي فـعـلــكــم
الـنـصــاح أطــيــب لــكــم والـــردا بـــه خـرفــعــه
أمـنــوا تــرى الـنــيــه مــثــل مـاقــالــوا مـطــيــه
لاتـصـيــر أبـكــم رديـــه فـــي مــحــول أو زلــوعــه
الـضـعـيــف إلـيــا نـصـاكــم لاتـشـحــون بـعـطــاكــم
فــي رجــا الله ثــم رجــاكــم كـــل مــاجــا أقـنــعــه
والـعــطــا مــاهــوى بالله كـوبــتــن كــثــرة وقــلــة
ضــايــع(ن) راعــيــه ضــلــه ضـــاع والله ضـيــعــه
أفـهـمــوا قــول الـمـجــرب مـابــغــا وثـت(ن)يــطــرب
بـاقــي الـدنـيــا تـخــرب مـاحــدن تـصــفــي مــعــه
وألــزم مـاعـلــى الـصــبــي طـاعــتــه والـمـذهــبــي
والــصــلاة عــلــى الـنــبــي والأمـــور أمـشــمــعــه

[صاخر القاف]

صح الله السان قائلها

ويعطيك الله الف عافيه يابعيد الهقاوي

[طارق النفيعي]

لاهنت وتسلم والله ..


جهد رائع جدا

[محمد المسعودي]

http://www.m5zn.com/uploads/bca84472ff.gif
الأخ القدير / بعيد الهقاوي

الله يعطيك العافية

وتسلم يمناك على هذه الوصية الرائعة

ننتظر جديدك القادم ,,,,,,,,,,

ووفقك الله لما يحب ويرضى

والسلام عليكم ورحمة الله وبركاته


أخوك / سيف العز .

[ولد النفعة]

الأخ القدير / بعيد الهقاوي

الله يعطيك العافية

وصح لسانك على القصيدة

[شيخ النفعه]

لاهنت يابعيــــــــــــــــــــــــــــــــــــد الهقاوي


وننتظر جديدك